Bollywood actor Nana Patekar attends the trailer launch of his upcoming Hindi-language thriller film The Vaccine War in Mumbai on September 12, 2023. (Photo by Sujit JAISWAL / AFP)
मुंबई/गोवा : विशेष प्रतिनिधी
हिंदी आणि मराठी चित्रपटसृष्टीतील ज्येष्ठ अभिनेते नाना पाटेकर यांच्या निधनाची धक्कादायक बातमी समोर आली आहे. प्राथमिक वृत्तांनुसार, गोव्यातील डोना पाउला येथील निवासस्थानी त्यांची प्रकृती अचानक बिघडली. त्यांना बेशुद्ध अवस्थेत तातडीने रुग्णालयात दाखल करण्यात आले.
रुग्णालयात डॉक्टरांनी त्यांना वाचविण्यासाठी सुमारे ४५ मिनिटे सीपीआर देण्याचा प्रयत्न केला. मात्र उपचारांना प्रतिसाद न मिळाल्याने सकाळी सुमारे ५.२० वाजता त्यांना मृत घोषित करण्यात आल्याचे वृत्त आहे. प्राथमिक माहितीनुसार, त्यांना गंभीर कार्डियाक अरेस्ट आला होता. या प्रकरणी मेडिको-लीगल केस नोंदविण्यात आल्याचेही वृत्त असून, मृत्यूचे वैद्यकीय कारण निश्चित करण्यासाठी पुढील प्रक्रिया केली जाणार आहे.
चार दशकांहून अधिक काळाची दमदार कारकीर्द
नाना पाटेकर यांनी हिंदी तसेच मराठी चित्रपटसृष्टीत आपल्या दमदार अभिनयाने स्वतंत्र ठसा उमटविला. अभिनेता म्हणून त्यांनी अनेक गाजलेल्या चित्रपटांमध्ये संस्मरणीय भूमिका साकारल्या. ‘क्रांतिवीर’, ‘परिंदा’, ‘अग्निसाक्षी’, ‘खामोशी’ यांसह अनेक चित्रपटांतील त्यांच्या अभिनयाला मोठी दाद मिळाली.
‘क्रांतिवीर’मधील भूमिकेसाठी त्यांना राष्ट्रीय पुरस्कार मिळाला. अभिनयासोबतच त्यांनी दिग्दर्शन आणि लेखन क्षेत्रातही काम केले. भारतीय चित्रपटसृष्टीतील योगदानासाठी भारत सरकारने त्यांना २०१३ मध्ये पद्मश्री पुरस्काराने सन्मानित केले होते.
नाना पाटेकर यांच्या निधनाच्या वृत्ताने मराठी आणि हिंदी सिनेसृष्टीसह त्यांच्या असंख्य चाहत्यांमध्ये शोककळा पसरली आहे. त्यांच्या अभिनयाची वेगळी शैली, दमदार संवादफेक आणि सामाजिक जाणिवेची भूमिका यामुळे ते कायमच रसिकांच्या स्मरणात राहतील.
